Тутунарите на протест: Килограм тутун се откупува колку една кутија цигари

тутунарите најавуваат дека ќе протестираат и се собраа да го изразат своето незадоволство – тутунарите од прилепско се револтирани од ниската откупна цена на тутунот годинава. Сега тутунот се откупува по 120 денари за килограм што е значајно пониска цена од ланската. Велат килограм тутун за една кутија цигари. Тоа ги револтира, но се дистанцираат од партии и политички игри.

Игор Мирчески од Иницијативниот одбор на „групата македонски тутунари вели дека ги боли станувањето во 2 часот, целодневната работа. Бараат цената да не биде под 200 денари односно таа да е заштитна.

„Станување во 2 часот, целодневна работа, и сето вреди 100 денари. Се проценува во трета и во четврта класа, а одбитоците се 10 отсто. Луѓето одбиваат да го даваат, не можат да ги покријат ниту сопствените трошоци. Не чини 150, а ни го земаат за 120 денари килограм. Ова не може вака да биде и мора да се крене протест. Одлучивме самоиницијативно, никакви политички партии зад нас не стојат.

Ние сме Македонци, Албанци, Турци, муслимани, Роми, сите националности. Нас никој не не обедини. Не обедини маката. Затоа нема да останеме на ова, мора да се крене гласот, да се слушне. Веќе 20 дена има откуп. Овој период лани се откупија 10 000 тони. Изјавата на министерот за земјоделство дека сега е ковид-криза и е почеток, не е релевантна. Луѓето не носат тутун, одбиваат. За 120 денари го враќаат дома, изјави Мирчески.

Ова е предупредувачки протест. Тутунарите излегоа со механизација и низи тутун.