Охридското езеро во критична состојба, драматично опаѓа нивото на вода

Сè уште трае голготата со недостаток на вода за Охридското езеро, научната фела смета дека најголемата грешка е што водниот басен стана акумулација за производство на електична енергија. Според табелата на ЕСМ водостојот денеска е на 693,08 м.н.в или 2цм под минимално дозволената кота.

Од Хидробиолошкиот институт велат дека треба да се изнајде модел кој ке ги опфати договорите помеѓу Македонија и Албанија кои треба да претрпат ревизија за понатамошно успешно управување со Охридското езеро.

„Најголемата грешка е што се дозволи Охридското Езеро да се користи како акумулација за производство на електрична енергија. Треба да се утврди кога можат да се вршат вакви осцилации, но не под минималната кота, односно во кој период од годината Езерото може да биде употребено за производство на електрична енергија во рамките на дозволените количини за тоа“ – вели Зоран Спиркоски од Хидробиолошкиот институт во Охрид.

Обемното користење на водните ресурси на Охридското Езеро предизвикува варијации на нивото на вода кои негативно влијааат по живиот и растителниот свет, а доведуваат и до нарушување на објектите на самиот брег.

Лошата хидролошка состојба, посебно недостатокот на врнежи од снег, моментално ја влоши ситуацијата со нивото на водата. Експертите велат дека штетите врз живиот свет од честите осцилации на нивото на Охридското Езеро изминативе години се непроценливи.