Само 80 казни за непрописно паркирани возила во Општина Центар

ЈП Паркинзи на Општина Центар и Општина Центар во соработка со Сообраќајната полиција-Скопје изминатата седмица санкционираа 80 непрописно паркирани возила кои го попречувале нормалното и безбедно одвивање на сообраќајот.

Во периодот од 18.10. до 24.10.2021 година, со помош на специјалните возила „Пајак“ на ЈП ПОЦ отстранети се 31 непрописно паркирани возила, а со поставување на механичко средство „Блокатор“ санкционирани се 49 возила кои биле затекнати во резидентни зони, а не биле корисници-резиденти на секторот во којшто биле паркирани – велат од ПОЦ

ЈП ПОЦ и Општина Центар секојдневно водат грижа за да го доведат во ред сообраќајниот хаос настанат од непрописно паркираните возила на територијата на Општина Центар. Потсетуваме на почитување на сообраќајните правила од страна на секој учесник во сообраќајот со цел одржување на ред и безбедност на улиците.

Се поставува прашањето, дали оваа бројка од 80 казни за цела седмица значи дека се разбудила совеста кај возачите и истите почнале да паркираат по прописи, или пак во ек на избори пајак-службата работи со намален интензитет со цел да не го буди незадоволството кај потенцијалинте гласачи?