Мистериозна нова болест се шири во Индија

Непозната болест коси во индиската држава Андра Прадеш, до сега најмалку едно лице го загубило животот, а бројката од 300 хоспитализирани се зголемува.

Неидентикуваната болест ги зачуди лекарите со манифестација на различни симптоми од мачнина до напад и несвестица, иако како што наведуваат властите, голем дел од хоспитализираните лица оздравеле и брзо се пуштени дома.

Луѓето кои се разболеа, особено децата, ненадејно почнаа да повраќаат откако се пожалија дека им горат очите. Некои од нив се онесвестија или претрпеа напади – соопштуваат од државната болница во градот Елуру.

Локалните медиуми пренесуваат дека пациентите направиле тестови за коронавирус и дека сите биле негативни.