Мајка од САД го тетовирала свеото дете за да го разликува од братот-близнак

Еден несекојдневен случај е актуелен во американската јавност овие денови, откако 31 годшна мајка сведочеше за својот гест кој го направила тетовирајќи еден од нејзините синови близнаци за да може да ги разликува.

Таа објасни дека со нејзиниот сопруг се обидувале да имаат дете пет години, па конечно добиле идентични близнаци, Адам и Џек, пишува „АБЦ“.

Но, поради здравствената состојба, Џек треба да прима инекција еднаш неделно, а кога ќе порасне, ќе мора да пие апчиња.

„Кога се вратив на работа, мајката на мојот сопруг се грижеше за момчињата. Сè беше во ред се додека еден ден не направи инекција на погрешно дете. Веднаш ја забележала својата грешка, повикала брза помош и биле пренесени во болница“, се присетува мајката на близнаците.

Бидејќи ова е лек со бавно дејство, момчињата беа добро, но на мајката на сопругот не и беше добро. Потоа, таа одби да се грижи за децата, а момчињата беа запишани во градинка.

Сепак, ниту проблемите не завршија тука. Учителката во градинката изрази загриженост дека ќе ги измеша момчињата, па родителите разговараа со лекарите кои предложија да се истетовира едно од момчињата за да се избегне забуна и повторно да се даде лек на погрешно дете.

„Лекарот ни препорача медицинска тетоважа. Тој ми објасни дека ќе истетовираат пега, не поголема од крајот на гума за бришење на молив, на површината на кожата, што е лесно да се види“, објаснила мајката.

Родителите одлучија да го следат советот на лекарот, па затоа и истетовираа кафеава пега на лобусот на момчето. Постапката траеше половина час, а нивниот син не чувствуваше ништо. Но, кога мајката на мојот сопруг дозна, полуде.

„Се обидов да и објаснам, но таа беше избезумена, па ги ставив двајцата на подот и и реков да го земе Џек и да ја најде тетоважата. Таа го зеде Адам. Затоа и го подадов Џек и дури по 20 минути таа не можеше да ја најде тетоважата – вели таа.

Кога сфати дека станува збор за пега, сепак не се откажа од идејата дека родителите претерале со тетовирање на детето и менување на неговото тело. Иако и самата верува дека ја сторила вистинската работа и ги презела потребните мерки на претпазливост, сепак има и такви кои сметаат дека нејзината одлука е погрешна.