Доаѓа ZTE Axon 20, прв достапен телефон со камера под дисплејот

ZTE Axon 20 5G дебитираше пред неколку месеци како прв паметен телефон во светот со камера под дисплејот, а наскоро ќе можете да го купите од продажба.

ZTE потврди дека Axon 20 5G ќе започне да се продава на глобално ниво на 21 декември. На почетокот ќе биде достапен на 11 пазари за почеток, вклучувајќи ги Велика Британија, Европската унија, Јапонија, Кореја, Тајланд, Малезија, Филипини, Обединети Арапски Емирати Украина, Саудиска Арабија и Јужна Африка.

Засега нема информации колку ќе чини Axon 20 5G, но од ZTE велат дека тие информации ќе бидат откриени „наскоро“.

Главната карактеристика на Axon 20 5G е неговата селфи камера со 32MP, која се наоѓа под дисплејот. ZTE користи неколку технологии за да ја сокрие таа камера под 6,92-инчниот 2460×1080 OLED екран, притоа осигурувајќи се дека таа ќе работи добро, користејќи материјал со висока транспарентност што помага да се добие поголема светлина до фотоапаратот и специјална пикселна матрица за да се создаде поприродна транзиција при користењето и криењето на камерата. Посебен алгоритам помага да се подобри јасноста на фотографијата.

ZTE има натрупано уште четири камери на задниот дел од Axon 20 5G, вклучувајќи главна камера од 64MP, ултра-широка 8MP со видливо поле од 120 степени, длабочина од 2MP и макро камери од 2MP. Внатре во телефонот има Snapdragon 765G процесор спарен со 8 GB RAM меморија, 128 GB простор и батерија од 4220mAh со поддршка за брзо полнење до 30W.

Производителите на уреди користеа многу методи за да вградат селфи камера под нивните телефони со дисплеи кои се простираат од раб до раб, вклучително засеци (notch), дупки во екранот (hole punch) и механизми за подигање на камерата.

Сето ова доведе до камери под дисплејот кои се целосно сокриени кога не се користат. И иако се чини малку веројатно дека ќе го видиме Axon 20 5G во Македонија, дефинитивно сме заинтересирани да видиме колку добро работи селфи камера под дисплејот сега кога има прв ваков уред достапен во јавноста.